ਫੈਡਰੇਸ਼ਨ ਆਫ ਸਿੱਖ ਆਰਗੇਨਾਈਜੇਸ਼ਨਜ਼ ਯੂ,ਕੇ ਵਲੋਂ ਮੋਹਣ ਭਾਗਵਤ ਖਿਲਾਫ ਰੋਸ ਮੁਜਾਹਰੇ ਦਾ ਐਲਾਨ ਲੰਡਨ: (ਜਾਗੋ ਸਿੱਖ ਮੀਡੀਅਾ)ਭਾਰਤ ਵਿੱਚ ਫਿਰਕਾਪ੍ਰਤ ਹਿੰਦੂਤਵੀਆਂ ਦੀ ਮੁੱਖ ਜਮਾਤ ਰਾਸ਼ਟਰੀ ਸੁਰੱਖਿਆ ਸੇਵਕ ਸੰਘ ਦੇ ਮੁਖੀ ਮੋਹਣ ਭਾਗਵਤ ਦਾ ਇੰਗਲੈਂਡ ਆਉਣ ਤੇ ਸਿੱਖ ਜਥੈਬੰਦੀਆਂ ਵਲੋਂ ਜਬਰਦਸਤ ਵਿਰੋਧ ਕਰਨ ਦਾ ਫੈਂਸਲਾ ਕੀਤਾ ਗਿਆ ਹੈ । ਭਾਰਤ ਵਿੱਚ ਹਿੰਦੂਤਵੀਆਂ ਦੀਆਂ ਬਜਰੰਗ ਬ੍ਰਿਗੇਡ ,ਸਿ਼ਵ ਸੈਨਾ, ਵਿਸ਼ਵ ਹਿੰਦੂ ਪ੍ਰੀਸ਼ਦ , ਹਿੰਦੂ ਸੁਰੱਖਿਆ ਸੰਮਤੀ ,ਰਾਸ਼ਟਰੀ ਸਿੱਖ ਸੰਗਤ ,ਭਾਰਤੀ ਜਨਤਾ ਪਾਰਟੀ ਵਰਗੀਆਂ ਅਨੇਕਾਂ ਸੰਸਥਾਵਾਂ ਹਨ ਜਿਹਨਾਂ ਦਾ ਮੁੱਖ ਮੰਤਵ ਭਾਰਤ ਦੇ ਗੈਰ ਹਿੰਦੂ ਧਰਮ ਨਾਲ ਸਬੰਧਿਤ ਲੋਕਾਂ ਦੇ ਧਰਮ ਅਤੇ ਕੌਮਾਂ ਦੀ ਅੱਡਰੀ ਹੋਂਦ ਨੂੰ ਖਤਮ ਕਰਕੇ ਉਹਨਾਂ ਨੂੰ ਹਿੰਦੂ ਬਣਾਉਣਾ ਅਤੇ ਦਰਸਾਉਣਾ ਹੈ । ਇਹਨਾਂ ਸਮੂਹ ਫਿਰਕਾਪ੍ਰਸਤ ਸੰਸਥਾਵਾਂ ਦੀ ਮਾਂ ਰਾਸ਼ਟਰੀ ਸੁਰੱਖਿਆ ਸੇਵਕ ਸੰਘ ਹੈ ਅਤੇ ਮੋਹਣ ਭਾਗਵਤ ਇਸਦਾ ਮੁਖੀ ਹੈ । ਇਹ ਵਿਆਕਤੀ ਰਾਹੇ ਬਗਾਹੇ ਸਿੱਖ ਕੌਮ ਪ੍ਰਤੀ ਆਪਣੀ ਸੌੜੀ ,ਫਿਰਕੂ ਅਤੇ ਮਾਰੂ ਸੋਚ ਦਾ ਪ੍ਰਗਟਾਵਾ ਕਰਦਾ ਹੋਇਆ ਸਿੱਖ ਧਰਮ ਨੂੰ ਹਿੰਦੂ ਧਰਮ ਦਾ ਹਿੱਸਾ ਅਕਸਰ ਹੀ ਆਖਦਾ ਰਹਿੰਦਾ ਹੈ । ਆਪਣੀ ਇਸੇ ਕੂਟਨੀਤਕ ਅਤੇ ਗੰਦੀ ਕੁਚਾਲ ਨੂੰ ਸਫਲ ਕਰਨ ਲਈ ਇਹਨਾਂ ਨੇ ਸਿੱਖੀ ਦਿੱਖ ਵਾਲੇ ਕੁੱਝ ਜਰਖਰੀਦਾਂ ਨੂੰ ਮੋਹਰਾ ਬਣਾ ਰਾਸ਼ਟਰੀ ਸਿੱਖ ਸੰਗਤ ਬਣਾ ਰੱਖੀ ਹੈ ।ਜਿਸ ਰਾਹੀਂ ਇਹ ਸਿੱਖ ਸੰਸਥਾਵਾਂ ਵਿੱਚ ਆਪਣੇ ਹਿਦੂਤਵੀ ਸੋਚ ਵਾਲੇ ਬੰਦੇ ਵਾੜ ਰਹੇ ਹਨ ਉੱਥੇ ਸਿੱਖ ਸਿਧਾਂਤ ਨੂੰ ਮਲੀਆਮੇਟ ਕਰਨ ਦਾ ਕੋਈ ਵੀ ਵੇਲਾ ਖੁੰਝਣ ਨਹੀਂ ਦਿੰਦੇ । ਬਰਤਾਨੀਆਂ ਵਿੱਚ ਅਜਾਦ ਸਿੱਖ ਰਾਜ ਖਾਲਿਸਤਾਨ ਦੇ ਨਿਸ਼ਾਨੇ ਨੂੰ ਸਮਰਪਤ ਸਿੱ਼ਖ ਜਥੇਬੰਦੀਆਂ ਦੇ ਸਾਂਝੇ ਸੰਗਠਨ ਫੈਡਰੇਸ਼ਨ ਆਫ ਸਿੱਖ ਆਰਗੇਨਾਈਜੇਸ਼ਨਜ਼ ਯੂ,ਕੇ ਵਲੋਂ 30 ਜੁਲਾਈ ਸ਼ਨੀਚਰਵਾਰ ਨੂੰ ਇੱਕ ਵਜੇ ਤੋਂ ਚਾਰ ਵਜੇ ਤੱਕ ਇਸਦੇ ਮੁੱਖ ਸੰਮੇਲਨ ਦਾ ਜਬਰਦਸਤ ਵਿਰੋਧ ਕਰਨ ਦਾ ਫੈਂਸਲਾ ਕੀਤਾ ਗਿਆ ਹੈ । ਕੋਆਰਡੀਨੇਟਰਜ਼ ਭਾਈ ਕੁਲਦੀਪ ਸਿੰਘ ਚਹੇੜੂ ,ਭਾਈ ਲਵਸਿ਼ੰਦਰ ਸਿੰਘ ਡੱਲੇਵਾਲ ਅਤੇ ਭਾਈ ਜੋਗਾ ਸਿੰਘ ਵਲੋਂ ਸਮੂਹ ਸਿੱਖ ਸੰਸਥਾਵਾਂ ,ਗੁਰਦਵਾਰਾ ਪ੍ਰਬੰਧਕ ਕਮੇਟੀਆਂ ਅਤੇ ਸਿੱਖ ਸੰਗਤਾਂ ਨੂੰ ਇਸ ਰੋਸ ਮੁਜਾਹਰੇ ਵਿੱਚ ਸ਼ਾਮਲ ਹੋਣ ਦੀ ਅਪੀਲ ਕੀਤੀ ਗਈ ਹੈ । ਜਿ਼ਕਰਯੋਗ ਹੈ ਕਿ ਮੋਗਣ ਭਾਗਵਤ ਸੱਤ ਦਿਨਾਂ ਦੇ ਦੌਰੇ ਤੇ ਇੰਗਲੈਂਡ ਵਿੱਚ ਹੈ ਅਤੇ ਉਸ ਵਲੋਂ ਹਿੰਦੂਤਵ ਨੂੰ ਪ੍ਰਮੋਟ ਕਰਨ ਅਤੇ ਦੂਜੀਆਂ ਕੌਮਾਂ ,ਧਰਮਾਂ ਦਾ ਨਾਮ ਿਿਨਸ਼ਾਨ ਮਿਟਾ ਹਿੰਦੂਤਵ ਦੇ ਖਾਰੇ ਸਮੁੰਦਰ ਵਿੱਚ ਜਜ਼ਬ ਕਰਨ ਦੀਆਂ ਵਿਉਂਤਾਂ ਬਣਾਈਆਂ ਜਾ ਰਹੀਆਂ ਹਨ । ਇਸੇ ਹੀ ਮਕਸਦ ਦੀ ਪੂਤਰੀ ਲਈ ਇਹ ਇੰਗਲੈਂਡ ਆਇਆ ਹੈ ਹਿੰਦੂ ਭਾਈਚਾਰੇ ਨੂੰ ਭਰਮਾ ਕੇ ਹਿੰਦੂਤਵੀ ਕੁਚਾਲਾਂ ਸਮਝਾ ਰਿਹਾ ਹੈ । ਇਸ ਖਿਲਾਫ ਰੋਸ ਮੁਜਾਹਰਾ – Hertfordshire county show, The Showground , Dunstable Road , Redbourn . AL3 7 PT ਵਿਖੇ ਹੋਵੇਗਾ । ਫੈਡਰੇਸ਼ਨ ਆਫ ਸਿੱਖ ਆਰਗੇਨਾਈਜੇਸ਼ਨਜ਼ ਵਲੋਂ ਸਿੱਖ ਸੰਗਤਾਂ ਨੂੰ ਸਨਿਮਰ ਸੱਦਾ ਗਿਆ ਕਿ ਆਉ ! ਇਸਖਿਲਾਫ ਰੋਸ ਮੁਜਾਹਰੇ ਵਿੱਚ ਸ਼ਾਮ ਹੋ ਕੇ ਇਸ ਕੱਟੜ ਹਿੰਦੂਤਵੀ ਆਗੂ ਨੂੰ ਦੱਸ ਦੇਈਏ ਕਿ ਸਿੱਖ ਇੱਕ ਵੱਖਰੀ ਕੌਮ ਅਤੇ ਵੱਖਰਾ ਧਰਮ ਹੈ ।